«Ցանկացած հակամարտություն պետք է ավարտվի բանակցություններով». Ստեֆան Դյուժարիկ

ՄԱԿ-ը կարծում է, որ բանակցությունները ցանկացած հակամարտության լուծման լավագույն միջոցն են։ Այս մասին հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը՝ պատասխանելով ՏԱՍՍ-ի թղթակցի խնդրանքին՝ մեկնաբանելու ԱՄՆ-ի նախագահ Դոնալդ Թրամփի սպառնալիքները՝ Ռուսաստանի և Ուկրաինայի դեմ պատժամիջոցներ կիրառելու վերաբերյալ։
«Անկեղծ ասած, մենք միշտ էլ կարծում ենք, որ ցանկացած հակամարտության ավարտը պետք է իրականացվի բանակցությունների միջոցով»,- ասել է նա։

Ավելի վաղ Թրամփը հայտարարել էր Ռուսաստանի և Ուկրաինայի դեմ խիստ պատժամիջոցներ կիրառելու պատրաստակամության մասին, եթե երկրները համաձայնության չգան հակամարտության կարգավորման հարցում։