Բրյանսկի և Կուրսկի մոտ ուկրաինական հարձակումների վնասը հասնում է 1 միլիարդ ռուբլու

Կուրսկի և Բրյանսկի մարզերի տրանսպորտային ենթակառուցվածքների օբյեկտների վրա երեք ահաբեկչական հարձակումների վնասը գերազանցել է 1 միլիարդ ռուբլին. երեք հարձակումներն էլ ծրագրվել են ուկրաինական հատուկ ծառայությունների կողմից: Այս մասին հունիսի 4-ին հայտարարել է Քննչական կոմիտեի նախագահ Ալեքսանդր Բաստրիկինը Ռուսաստանի նախագահ Վլադիմիր Պուտինին ուղղված զեկույցում՝ կառավարության անդամների հետ տեսակոնֆերանսի միջոցով անցկացված հանդիպման ժամանակ:
Բաստրիկինի խոսքով՝ Քննչական կոմիտեի մասնագետները Բրյանսկի մարզում կամրջի փլուզման վայրում հայտնաբերել են 3 վայր, որտեղ տեղադրված են եղել 15 կգ տրոտիլի համարժեք ընդհանուր հզորությամբ պայթուցիկ սարքեր: Ռումբերը լցված են եղել արտասահմանյան արտադրության պայթուցիկներով և հագեցած են եղել «ուկրաինական ծագման» ԼՕՌ կառավարման միավորով, հավելել է Քննչական կոմիտեի ղեկավարը:
Բրյանսկի մարզում՝ Ունեչա և Ժեչա կայարանների միջև ընկած հատվածում, հայտնաբերվել է ևս երկու պայթուցիկ սարք, որոնք չեն պայթել, իսկ Միկիշևո գյուղի մոտ գտնվող թաքստոցից առգրավվել է 13 կգ պլաստիկ պայթուցիկ և ուկրաինական արտադրության կառավարման միավորներ, հայտնել է Բաստրիկինը: