«Ո՞վ է բանակցում նրանց հետ, ովքեր հույսը դնում են ահաբեկչության վրա». Պուտին

Ռուսաստանի նախագահ Վլադիմիր Պուտինը մեկնաբանել է Վլադիմիր Զելենսկու առաջարկը՝ երկու նախագահների հանդիպման վերաբերյալ։ Նա այս մասին խոսել է չորեքշաբթի՝ հունիսի 4-ին կայացած հանդիպման ժամանակ։
Պուտինը նշել է, որ Կիևը խնդրում է ամենաբարձր մակարդակով հանդիպում և տարակուսել՝ ինչպե՞ս անցկացնել նման հանդիպումներ ուկրաինացի դիվերսանտների կողմից իրականացված ահաբեկչական հարձակումներից հետո։

«Ո՞վ է բանակցում նրանց հետ, ովքեր հույսը դնում են ահաբեկչության վրա»,- հավելել է Ռուսաստանի նախագահը։
Նա ասել է, որ ռազմական գործողությունների դադարը Կիևի ռեժիմը կօգտագործի՝ երկիրն արևմտյան զենքով լցնելու, հարկադիր զորահավաքը շարունակելու և Բրյանսկի և Կուրսկի մարզերում իրականացվածներին նման այլ ահաբեկչական հարձակումներ նախապատրաստելու համար։