«Նիկոլ Փաշինյանի` Ֆրանսիայում գտնվող` 3,1 միլիոն եվրո արժողությամբ առանձնատունը դարձել է մարդասիրական օգնության յուրացման և կոռուպցիայի մեղադրանքների առարկա». #Française_du_Jour

Ֆրանսիական Info Française du Jour առցանց լրատվականը հրապարակել է լրագրող Ժոզիան Բեռնյեի՝ «Նիկոլ Փաշինյանի՝ Ֆրանսիայում գտնվող՝ 3,1 միլիոն եվրո արժողությամբ առանձնատունը դարձել է մարդասիրական օգնության յուրացման և կոռուպցիայի մեղադրանքների առարկա» հոդվածը:

Հոդվածում մասնավորապես ասվում է. «Այս հետաքննության աղբյուրները ենթադրում են, որ Ֆրանսիական զարգացման գործակալության (AFD) և Ֆրանսիայում հայկական կազմակերպությունների համակարգող խորհրդի (CCAF) միջոցները կարող են անօրինական կերպով ուղղորդվել ՀՀ վարչապետ Նիկոլ Փաշինյանի անձնական օգտագործման համար։

2024 թվականին Ֆրանսիական զարգացման գործակալությունը՝ AFD-ն, Հայաստանին տրամադրել է 75 միլիոն եվրո ուղղակի բյուջետային աջակցություն՝ ուղղված զարգացման հիմնական ծրագրերի ֆինանսավորմանը։ Միևնույն ժամանակ, Ֆրանսիայի հայկական կազմակերպությունների համակարգող խորհուրդը, որը սփյուռքի կողմից աջակցվող խոշոր կազմակերպություն է, շարունակում է մարդասիրական և ենթակառուցվածքային աջակցություն ցուցաբերել ՀՀ կառավարությանը։

Ընդդիմությունն այժմ պնդում է, որ այդ միջոցների մի մասը ուղղորդվել է ոչ պաշտոնական ուղիներով և օգտագործվել է առանձնատան գնման ֆինանսավորման համար։ Այս ամենին ավելացրեք Նիկոլ Փաշինյանի անձնական հարաբերությունները Մարսելի քաղաքապետ Բենուա Պայանի հետ։ Վերջինս այցելել է Հայաստան 2025 թվականի մայիսի սկզբին՝ առանձնատան գնումից կարճ ժամանակ առաջ, և հրապարակավ վերահաստատել է Ֆրանսիայի աջակցությունը ՀՀ կառավարությանը։ Երկու տղամարդիկ շատ մտերիմ են, և ոմանք կարծում են, որ Բենուա Պայանը կարող է նպաստել գործարքին կամ օգնել՝ թաքցնել միջոցները։

Վիլլայի գործը լույս աշխարհ եկավ մի քանի օր անց այն իրադարձությունից, երբ Կոռուպցիայի կանխարգելման հանձնաժողովը (ԿԿՀ) հետաքննություն սկսեց վարչապետ Նիկոլ Փաշինյանի կողմից ենթադրյալ էթիկական խախտումների վերաբերյալ՝ անկախ պատգամավորի կողմից ներկայացված պաշտոնական բողոքից հետո։

Հանրային աջակցության նվազման և Նիկոլ Փաշինյանի դեմ իմպիչմենտի գործընթաց սկսելու հետ մեկտեղ, քննադատները կարծում են, որ ֆրանսիական վիլլան կարող է դառնալ անձնական փախուստի ուղի, եթե Հայաստանի վարչապետը հրաժարական տա։ Ճնշման աճի հետ մեկտեղ, Փաշինյանի կառավարությունը լռում է վիլլայի գնման ծագման մասին, ինչը խթանում է ենթադրությունները, որ կարող են ի հայտ գալ հետագա բացահայտումներ»։