«Միջուկային ծրագրի շուրջ վերջնական որոշումը կարող է կայցվել ԱՄՆ-Իրան հաջորդ բանակցություններին»․ #CNN

ԱՄՆ-ի և Իրանի միջև միջուկային համաձայնագրի վերականգնման վերաբերյալ վերջնական որոշում կարող է կայացվել կողմերի հաջորդ հանդիպման ժամանակ։

Այս մասին հաղորդում է CNN-ը՝ հղում անելով բանակցությունների ընթացքին ծանոթ աղբյուրներին։

Հեռուստաալիքի տվյալներով՝ խորհրդակցությունների առաջիկա փուլը, որը կարող է վճռորոշ լինել, տեղի չի ունենա Եվրոպայում, ինչպես նախկինում, այլ Մերձավոր Արևելքում։ Բանակցությունների վայրի այս փոփոխությունը, փորձագետների կարծիքով, կարող է վկայել քննարկումների ավելի մեծ գաղտնիություն և արդյունավետություն ապահովելու կողմերի ցանկության մասին։

Ըստ աղբյուրի՝ կողմերն արդեն համաձայնության են եկել տեխնիկական մանրամասների մեծ մասի շուրջ և այժմ աշխատում են վերջնական քաղաքական ձևակերպումների, այդ թվում՝ պարտավորությունների կատարման երաշխիքների վրա։

Ավելի վաղ Թրամփը հայտարարել էր, որ հույս ունի, որ առաջիկա շաբաթներին փաստաթուղթը կստորագրվի։

Հիշեցնենք՝ ԱՄՆ-ն և Իրանն անուղղակի բանակցությունների 5 փուլ են անցկացրել Իրանի միջուկային ծրագրի շուրջ։ Վերջին անգամ կողմերն Օմանի միջնորդությամբ հանդիպել են մայիսի 23-ին՝ Հռոմում։ Օմանի ԱԳ նախարարը հայտարարել էր, որ կողմերը «որոշակի, բայց ոչ վերջնական առաջընթաց են գրանցել»։