ՆԱՏՕ-ն Գերմանիայից կխնդրի դաշինքի համար ստեղծել 40000 զինվորից բաղկացած բրիգադներ. Reuters

ՆԱՏՕ-ն Գերմանիայից կխնդրի դաշինքի պաշտպանական նպատակների համար ստեղծել ևս 7 նոր բրիգադ՝ ընդհանուր առմամբ 40000 զինվորով։ Այս մասին հաղորդում է Reuters-ը՝ հղում անելով աղբյուրներին։

Նրանց խոսքով՝ պահանջը կներկայացվի ռազմական ներուժի նպատակների ավելացման շրջանակներում, որոնք պետք է համաձայնեցվեն ՆԱՏՕ-ի պաշտպանության նախարարների հունիսի 5-6-ը Բրյուսելում կայանալիք հանդիպման ժամանակ։ Գործակալությունը հաղորդում է, որ դաշինքը նախատեսում է բրիգադների ընդհանուր թիվը հասցնել 120-130-ի։