«Կիրգիզը չլինի, վրացին չլինի, նոր մեզ տա՞ն բեռը»․ բեռնափոխադրող

«Ո՛չ Հայաստանում արտոնություն ունենք, ո՛չ՝ Վրաստանում։ Չեմ տեսել, որ մեր մասին մտածեն։ Բարձիթողի վիճակում ենք։ Մեր մեքենաները կանգնած, բայց վրացիներ, ռուսներ, բելառուսներ, ուզբեկ, կիրգիզ․․․ զապա՞ս ենք, ի՞նչ ենք։ Այսինքն՝ կիրգիզը չլինի, վրացին չլինի, ռուսը չլինի, բելառուսը չլինի, նոր մեզ տա՞ն բեռը։ Մենք էլ պիտի աշխատենք»,- ասում է բեռնափոխադրողներից մեկը։

Բեռնափոխադրողներն այսօր բողոքի ակցիա են իրականացրել կառավարության շենքի մոտ։ Նրանք դժգոհում են, որ թե՛ Վրաստանում, թե՛ Հայաստանում միջնորդ կազմակերպություններն ու արտահանողները հայ բեռնափոխադրողների փոխարեն նախընտրում են վարձել այլազգիների։