«Զբոսաշրջիկների թիվը 11.3%-ով նվազել է». Սուրեն Պարսյան

Տնտեսագետ Սուրեն Պարսյանն իր թելեգրամ-ալիքում գրել է. «Զբոսաշրջիկների թիվը 11.3%-ով նվազել է

Վիճակագրական կոմիտեի կողմից հրապարակված տվյալների համաձայն՝ 2025 թվականի առաջին եռամսյակի ընթացքում Հայաստան է այցելել 386741 զբոսաշրջիկ, որը 2024 թվականի նույն ժամանակահատվածի համեմատ նվազել է 11.3 տոկոսով:
Զբոսաշրջիկների թվի նվազումը հիմնականում պայմանավորված է Ռուսաստանից ժամանողների հոսքի կրճատմամբ, մասնավորապես՝ այս տարի ռուս զբոսաշրջիկների թիվը նվազել է 21.8 տոկոսով՝ կազմելով 144072 մարդ: Սրանով են նաև բացատրվում բանկային տրանսֆերտների նվազումը, հանրային սննդի և հյուրանոցների տնտեսական գործունեության վատթարացումը»: