Մալթան և Ֆրանսիան պատրաստվում են ճանաչել Պաղեստինի անկախությունը

Մալթայի վարչապետ Ռոբերտ Աբելան հայտարարել է, որ իր երկիրը մոտ ապագայում կճանաչի Պաղեստինի անկախությունը, հաղորդում է Times of Malta-ն։

Մալթայում կա Պաղեստինի դեսպան, և 2024 թվականին երկիրն աջակցել է ՄԱԿ-ի Գլխավոր ասամբլեայի բանաձևին, որը ճանաչում էր Պաղեստինի իրավունքը կազմակերպությանը լիիրավ անդամակցության համար, բայց դեռևս պաշտոնապես չի հայտարարել Պաղեստինի պետության ճանաչման մասին։ Աբելայի խոսքով, հայտարարությունը կարվի հունիսի 20-ին Սաուդյան Արաբիայի և Ֆրանսիայի կողմից ՄԱԿ-ի աջակցությամբ կազմակերպված միջազգային համաժողովում։ Նշվում է, որ Մալթայի իշխանությունների ներկայացուցիչները հստակեցրել են, որ իրենց երկիրը միակը չի լինի, որը համաժողովում կհայտարարի Պաղեստինի ճանաչման մասին։

Axios-ի տվյալներով՝ Ֆրանսիան նույնպես պլանավորում է ճանաչել Պաղեստինի անկախությունը հունիսին։ Ֆրանսիայի նախագահ Էմանուել Մակրոնը 2025 թվականի ապրիլին խոսել է նման հայտարարություն անելու՝ իր ծրագրերի մասին:

2024 թվականին Նորվեգիան, Իռլանդիան, Իսպանիան, Հայաստանը և Սլովենիան հայտարարել են Պաղեստինի անկախության ճանաչման մասին։