Իսրայելական բանակը գործողություններ է իրականացրել Սիրիայի տարածքում

Իսրայելի բանակային ուժերը գործողություն են իրականացրել Սիրիայի Ալ-Կունեյտրա նահանգի Ալ-Համիդիա գյուղի մոտակայքում։ Այս մասին հայտնել է Մարդու իրավունքների սիրիական դիտորդական խումբը (SOHR):

Հաղորդագրության համաձայն, ներգրավված են եղել իսրայելական 14 բանակային մեքենա և 3 տանկ։

Ժամեր անց իսրայելական զորքերը նահանջել են այդ տարածքից դեպի Գոլանի բարձունքների սիրիական հատված, որտեղ նրանք տեղակայված էին վերջին ամիսներին։

Իսրայելի պաշտպանության բանակը դեռևս չի մեկնաբանել տեղեկատվությունը։