Ռուսաստանը միջմայրցամաքային բալիստիկ հրթիռ է արձակելու. Ուկրաինայի հետախուզություն

Երկուշաբթի՝ մայիսի 19-ի գիշերը, Ռուսաստանը պլանավորում է անցկացնել RS-24 Yars միջմայրցամաքային բալիստիկ հրթիռի «մարտական ​​​​ուսուցման» արձակում, հայտնում է Ուկրաինայի պաշտպանության նախարարության գլխավոր հետախուզական վարչությունը։

Հետախուզությունը պնդում է, որ արձակման նպատակն է՝ վախեցնել Ուկրաինային և ճնշում գործադրել ԵՄ-ի և ՆԱՏՕ-ի անդամ երկրների վրա, ինչը դիտվում է՝ որպես միջուկային շանտաժի մարտավարության տարր։

«Մոբիլ ցամաքային համալիրից ուսումնական զինամթերքով հագեցած հրթիռի արձակման հրամանը տրվել է ագրեսոր պետության ռազմավարական հրթիռային ուժերի 31-րդ բանակի 42-րդ դիվիզիայի 433-րդ գնդի անձնակազմի կողմից»,- ասվում է ԳՀՌ-ի հայտարարության մեջ։

Հրթիռի արձակման հրապարակը գտնվում է Ռուսաստանի Սվերդլովսկի մարզի Սվոբոդնի բնակավայրի մոտ։ Նախատեսվում է օգտագործել ուսումնական զինամթերք։ Այս եռաստիճան պինդ վառելիքով հրթիռի թռիչքի հեռավորությունը ավելի քան 10 հազար կիլոմետր է։