Ռուսաստանի և Ուկրաինայի միջև բանակցությունները կսկսվեն մայիսի 16-ին

522

Հինգշաբթի, 15 մայիսի, 2025 թ., 22:32

Ռուսաստանի և Ուկրաինայի միջև բանակցությունները կսկսվեն մայիսի 16-ին։ Այս մասին հաղորդում է ТАСС-ը՝ հղում անելով իր աղբյուրին։

Ուկրաինայի պատվիրակությունը Ստամբուլ կժամանի մայիսի 15-ին, ուշ երեկոյան, ավելի վաղ հայտնել էր նախագահի հաղորդակցության հարցերով խորհրդական Դմիտրի Լիտվինը։

Իր հերթին, ռուսական պատվիրակությունը կսպասի Ստամբուլում ուկրաինական կողմի հետ բանակցությունների շուրջ իրավիճակի զարգացմանը, սակայն ոչ թե Դոլմաբահչեի պալատում, այլ մեկ այլ վայրում։

Ուկրաինայի նախագահ Վլադիմիր Զելենսկին Թուրքիայի նախագահ Ռեջեփ Թայիփ Էրդողանի հետ հանդիպումից հետո նույնպես հայտարարել է, որ ռուս-ուկրաինական բանակցությունները կարող են սկսվել կամ մայիսի 15-ի երեկոյան, կամ ուրբաթ օրը։