Հնդկաստանը և Պակիստանը հրադադարը երկարաձգել են մինչև մայիսի 18-ը

Հնդկաստանը և Պակիստանը համաձայնության են եկել հրադադարը երկարաձգել մինչև մայիսի 18-ը, հայտարարել է Պակիստանի առաջին փոխվարչապետ և արտաքին գործերի նախարար Իսհակ Դարը։
Խորհրդարանում ելույթ ունենալով՝ Դարը նշել է, որ համաձայնագիրը ձեռք է բերվել երկու երկրների ռազմական գործողությունների ղեկավարների միջև մայիսի 14-ին կայացած նոր հեռախոսազրույցի ժամանակ։ Նա հիշեցրել է, որ առաջին նման զրույցը տեղի է ունեցել մայիսի 10-ին։