«Կայցելեմ Վրաստան՝ կոնյակի արտահանման հարցերը տեղում լուծելու համար»․ Գևորգ Պապոյան

«Որոշ մեքենաներ բաց են թողնվել, բայց պետք է արձանագրենք, որ խնդիրը լուծված չէ»,- ճեպազրույցի ժամանակ ասել է էկոնոմիկայի նախարար Գևորգ Պապոյանը՝ անդրադառնալով վրացական սահմանին տևական ժամանակ է կանգնած հայկական կոնյակով բեռնված մեքենաների հետ կապված խնդրին։ Պապոյանը նշել է, որ պատճառները անհասկանալի են։ «Փորձում ենք բոլոր մակարդակներում խնդրին լուծում գտնել։ Առաջիկա օրերին ունենք նախնական պայմանավորվածություն․ ես կայցելեմ Վրաստան՝ հարցերը տեղում հասկանալու, լուծելու համար»,- հայտնել է Պապոյանը։