Թրամփը ետ է կանգնել Պարսից ծոցը վերանվանելու գաղափարից

ԱՄՆ նախագահ Դոնալդ Թրամփը չի վերանվանի Պարսից ծոցը Արաբական ծոցի։

Նա այս որոշումը կայացրել է Իրանի դիրքորոշման պատճառով, որը սպառնացել էր համարժեք պատասխան տալ, հաղորդում է CNN-ը՝ հղում անելով աղբյուրին։

«Պարսից ծոցը վերանվանելու այս ծրագրերը փոխվել են (...), քանի որ իրանցի պաշտոնյաները հստակորեն հայտարարել են, որ կտրականապես դեմ կլինեն նման քայլին»,- հաղորդել է հեռուստաալիքը։ Հոդվածում ընդգծվում է, որ արաբական երկրները վաղուց են ձգտում վերանվանել ծոցը, սակայն CNN-ը նշում է, որ այս քայլը կարող է զայրացնել Իրանին, որը կողմ է ծոցի նախկին անվանումը պահպանելուն։

Թրամփի՝ ջրամբարը վերանվանելու ծրագրերի մասին մայիսի սկզբին հաղորդել էր Associated Press-ը։ Ակնկալվում էր, որ ամերիկացի առաջնորդն իր որոշման մասին կհայտարարի Սաուդյան Արաբիա այցի ժամանակ։ Ավելի ուշ Google Maps-ը Պարսից ծոցը վերանվանել էր Արաբական ծոց։