«Պետք է հաղթես քո միջի հիմարին ու տգետին, հետո մտածես թշնամուն ծնկի բերելու մասին»․ Սուրեն Հակոբյան

«Զինվորների վերականգնողական քաղաք» կենտրոնի հիմնադիր Սուրեն Հակոբյանը ֆեյսբուքյան իր էջում գրել է. «Հաղթանակներ ունենում են քիչ խոսացող ու շատ գործ անող ազգերը, պետությունները ու անգամ սովորական խմբերը։ Մենք հիմա ու հատկապես վերջին 5 տարում ավելի շատ խոսում ենք, քան գործ անում, ավելի շատ մսխում ենք, քան ներդրում անում, իսկ ներդրում էլ անում ենք միայն հիմնականում կա՛մ այդ օրվա համար, կա՛մ սեփական ստամոքսի այդ պահի շարժի ու մսխման համար։ Պատերազմից հետո ամենուր իբր կյանքեր փրկող հպարտ ու լոպազ գլուխներ են, ստախոս բերաններ, բայց զինվորների 90% -ը հիվանդ են, անգործ ու չկրթված։ Միլիոն բարեգործական հիմնադրամ, 500.000 հիմնադրամներում աշխատող անկապ հաստիքներ, միջոռացումներին ներկայացող գոռոզ ու հպարտ դեմքեր, բայց ամենուր թշվառ ու տկար մարդիկ, ովքեր պատերազմից հետո չգիտեն ինչպես ինքնասպան չլինեն։
Այ հենց այս մթնոլորտի մեջ մենք չպիտի հանդուրժենք ապրել, որպեսզի հետագայում հաղթանակ լինի։ Առաջին հերթին պետք է հաղթես քո մեջի հիմարին, տգետին ու անբանին, հետո մտածես թշնամուն ծնկի բերելու մասին։
Շնորհավոր»: