Կրեմլում դիմավորում են առաջին հյուրերին

Հաղթանակի շքերթից առաջ օտարերկրյա առաջնորդներն սկսել են ժամանել Կրեմլ։ Այս մասին հայտնում են ռուսաստանյան լրատվամիջոցները։

Տարբեր երկրների ղեկավարների ավտոշարասյունները ժամանում են Կրեմլ, որտեղ նրանց դիմավորում են պատվո պահակախումբն ու նվագախումբը՝ կարմիր գորգի մոտ։

Բրազիլիայի նախագահ Լուիս Ինասիու Լուլա դա Սիլվան, Հայաստանի վարչապետ Նիկոլ Փաշինյանը, ինչպես նաև Աբխազիայի և Վենեսուելայի նախագահներ Բադրա Գունբան և Նիկոլաս Մադուրոն արդեն ժամանել են Կրեմլ։

Հիշեցնենք՝ Հայրենական մեծ պատերազմում տարած հաղթանակի 80-ամյակին նվիրված շքերթը տեղի կունենա Մոսկվայի Կարմիր հրապարակում՝ Երևանի ժամանակով 11:00-ին և կավարտվի կեսօրին։