Բալթյան երկրները սկսել են պաշտպանական գիծ կառուցել Ռուսաստանի և Բելառուսի հետ սահմանին

Էստոնիան, Լատվիան և Լիտվան որոշել են Ռուսաստանի հետ սահմանին ստեղծել այսպես կոչված «Բալթյան պաշտպանական գիծ»։

Այս մասին հայտնել է Էստոնիայի պաշտպանության նախարարությունը։

«Բալթյան երկրները համաձայնել են ստեղծել Բալթյան պաշտպանության գիծ արևելյան սահմանի երկայնքով։ «Չափազանց կարևոր է ժամանակը իմաստուն կերպով օգտագործել պաշտպանական պատրաստվածությունը բարձրացնելու համար»,- ասվում է Էստոնիայի պաշտպանության նախարարության՝ X սոցիալական ցանցում հրապարակված հայտարարության մեջ։ Նախարարությունը պարզաբանել է, որ համապատասխան համաձայնագիրը երեք երկրների պաշտպանության նախարարությունների ղեկավարների կողմից ստորագրվել է անցյալ ուրբաթ՝ մայիսի 2-ին, Ռիգայում։ Նախաձեռնության նպատակն է ստեղծել պաշտպանական գոտի, որը կներառի տարբեր ինժեներական կառույցներ՝ հնարավոր սպառնալիքը զսպելու և դրանից պաշտպանվելու նպատակով, եթե այն առաջանա։

Ավելի վաղ Էստոնիան, Լատվիան և Լիտվան կոչ էին արել Եվրոմիությանն աջակցել պաշտպանական գծի կառուցմանը ոչ միայն Ռուսաստանի, այլև Բելառուսի սահմանի երկայնքով՝ պնդելով, որ դա անհրաժեշտ է ամբողջ ԵՄ-ն պաշտպանելու համար։ Նախնական գնահատականներով՝ նախագիծը կարող է արժենալ մոտ 2,5 միլիարդ եվրո։