Աղմկահարույց պաշտոնանկություններ` Թրամփի վարչակազմում

ԱՄՆ-ի ազգային անվտանգության հարցերով խորհրդական Մայք Ուոլցը և նրա տեղակալ Ալեքս Վոնգը կազատվեն աշխատանքից, հաղորդում է CBS News-ը՝ հղում անելով իր աղբյուրներին։
Աղբյուրների փոխանցմամբ՝ Ուոլցը և Վոնգը կազատվեն աշխատանքից հինգշաբթի՝ մայիսի 1-ին։ Սպիտակ տունը դեռևս չի մեկնաբանել այս տեղեկատվությունը։

Մայք Ուոլցը մարտին հայտնվեց սկանդալի կենտրոնում, երբ The Atlantic-ի լրագրող և գլխավոր խմբագիր Ջեֆրի Գոլդբերգը պատահաբար ներգրավվել էր Signal հաղորդագրությունների հավելվածի գաղտնի զրույցի մեջ՝ բարձրաստիճան պաշտոնյաների հետ միասին։

Ինչ վերաբերում է Վոնգին, նա ծառայել է Թրամփի առաջին վարչակազմում։ Այն ժամանակ նա Պետդեպարտամենտում Հյուսիսային Կորեայի հարցերով հատուկ ներկայացուցչի տեղակալն էր և Արևելյան Ասիայի և Խաղաղօվկիանոսյան տարածաշրջանի հարցերով փոխնախարարը։