ՌԴ ԱԻՆ-ը ինքնաթիռներ է ուղարկել Իրան
 ՌԴ նախագահ Վլադիմիր Պուտինի հանձնարարությամբ Իրան է ուղարկվել Արտակարգ իրավիճակների նախարարության մի քանի ինքնաթիռ՝ Շահիդ Ռաջայի առևտրային նավահանգստում բռնկված հրդեհը մարելու աշխատանքներին մասնակցելու համար։ Այս մասին Իսլամական Հանրապետությունում Ռուսաստանի դեսպանատունը հայտնել է իր թելեգրամյան ալիքում։ «Դեսպանությունը հայտնում է, որ իրանցի գործընկերների կոչին ի պատասխան՝ Ռուսաստանի նախագահ Վլադիմիր Պուտինը որոշում է կայացրել շտապ կերպով Իրան ուղարկել Ռուսաստանի արտակարգ իրավիճակների նախարարության մի քանի ինքնաթիռ՝ փորձառու մասնագետներից բաղկացած անձնակազմով, որպեսզի օգնեն Շահիդ Ռաջայի նավահանգստում հրդեհը մարելուն», - ասվում է հայտարարության մեջ։ Պուտինն ավելի վաղ ցավակցություն էր հայտնել իրանական նավահանգստում պայթյունի հետևանքով զոհերի և ավերածությունների կապակցությամբ և առաջարկել էր օգնել Իրանին հետևանքների հաղթահարման հարցում։ Արտակարգ իրավիճակների նախարարությունը հայտնել է, որ նախագահի հանձնարարությամբ Իրանի Բանդար Աբբաս քաղաք է ուղարկվել երկու ինքնաթիռ՝ Be-200ChS դեսանտային ինքնաթիռ և Il-76։ |
«Սրա մասին խոսի, ոչ թե «ռուս պուտա**եքի»»․ Գագիկ Համբարյան (տեսանյութ)
6610:54
«Երբ հերթական պաշտոնյան խոսում է խցանումներից, հիշեցնում եմ պատճառները»․ Ավետիք Քերոբյան
8610:42
«Արդեն մի քանի օր է՝ այրվում է Դիլիջանի աղբավայրը»․ Ոսկան Սարգսյան
6810:24
«Սա կտտանք է անձի նկատմամբ, ով հանցանք չի կատարել»․ Տիգրան Աբրահամյան
7110:00
Առանձին շրջաններում սպասվում են կարճատև անձրև և ամպրոպ, հնարավոր է՝ կարկուտ (լուսանկար)
10407:18
«Արցախի չափ մի քարքարոտ կղզու մասին 143 տարի անց անգամ հիշում են արգենտինացիները». Արամ Գևորգյան
12402:00