Թուրքիան Օլիմպիական խաղերն ընդունելու հավակնություններ ունի

Թուրքիայի նախագահ Ռեջեփ Թայիփ Էրդողանը Ստամբուլում մասնակցել է ՈՒԵՖԱ-ի ներկայացուցչության բացման արարողությանը և հայտարարել, որ երկիրը պատրաստ է ընդունել խոշոր միջազգային սպորտային մրցումներ, այդ թվում՝ Օլիմպիական խաղերը։

«Թուրքիան ՈՒԵՖԱ-ի լիիրավ անդամ է 1962 թվականից: Վերջին 20 տարիների ընթացքում մենք հաջողությամբ հյուրընկալել ենք Չեմպիոնների լիգայի, ՈՒԵՖԱ-ի գավաթի, սուպերգավաթի և մինչև 20 տարեկանների աշխարհի գավաթի եզրափակիչները: «Մեր ենթակառուցվածքը և կազմակերպչական փորձը թույլ են տալիս մեզ օլիմպիական ուղեգիր նվաճելու»,- ընդգծել է նա:
Թուրքիայի նախագահը թվարկել է սպորտային ենթակառուցվածքների աճը. 23 տարվա ընթացքում սպորտային օբյեկտների թիվն ավելացել է գրեթե 3 անգամ, կառուցվել են տասնյակ նոր մարզադաշտեր, արդիականացվել են ֆուտբոլի դաշտերն ու մարզադահլիճները։

Էրդողանը հիշեցրել է նաև ազգային հավաքականի հաջողությունները և վստահություն հայտնել, որ Ստամբուլում ՈՒԵՖԱ-ի գրասենյակի բացումը կարևոր քայլ կլինի թուրքական ֆուտբոլի և միջազգային սպորտային համագործակցության զարգացման համար։