Չինաստանը չի ցանկանում գազ գնել Ռուսաստանից Ղազախստանի տարածքով

Ռուսաստանից Չինաստան Ղազախստանով գազի մատակարարման երթուղին կարող է չափազանց թանկ լինել. ավելի լավ է պայմանավորվել Սիբիր-2 գազատարով մատակարարումների կամ հեղուկ բնական գազի (LNG) մատակարարումների մասին, լրագրողներին ասել է ՌԴ-ում Չինաստանի Ժողովրդական Հանրապետության արտակարգ և լիազոր դեսպան Չժան Հանհոյը։
«Ռուսաստանի Դաշնությունից Ղազախստանով գազի մատակարարումը հնարավոր չէ, քանի որ կա միայն մեկ գազատար և այն գերբեռնված է: Եթե մենք ռուսական գազ տեղափոխենք այս ճանապարհով, ապա ստիպված կլինենք նոր գազամուղ կառուցել: Դա մի քիչ թանկ է: Ռուսական կողմն ուսումնասիրում է (այս տարբերակը), բայց դա իրատեսական չէ: Իրականում դա չի աշխատում:

Ղազախստանով անցնող երթուղին սկսել է քննարկվել «Հզոր Սիբիր-2» գազատարի շինարարության ձգձգումների հետևանքով։ Մոսկվան երկար տարիներ այդ հարցը լուծված է համարում, սակայն Չինաստանի ղեկավարությունն ամբողջությամբ դադարեցրել է նախագծի մասին հիշատակումը։ Ըստ լրատվամիջոցների՝ կողմերը չեն կարողանում համաձայնության գալ մատակարարումների արժեքի հարցում, քանի որ Պեկինը հսկայական զեղչեր է պահանջում։