«Փենթագոնի բյուջեն առաջին անգամ կկազմի տրիլիոն դոլար»․ Հեգսեթ

ԱՄՆ պաշտպանության նախարար Փիթ Հեգսեթը հայտարարել է, որ Փենթագոնի առաջիկա բյուջեն առաջին անգամ կկազմի 1 տրիլիոն դոլար:
«Նախագահ Դոնալդ Թրամփը վերականգնում է մեր բանակը և դա անում է շատ արագ»,- գրել է Հեգսեթը X սոցիալական ցանցում՝ հավելելով, որ գերատեսչությունը մտադիր է խելամտորեն ծախսել յուրաքանչյուր հարկատուի դոլարը:
Հեգսեթի հայտարարությունը հաջորդել է Իսրայելի վարչապետ Բենիամին Նեթանյահուի հետ հանդիպման ժամանակ Փենթագոնի առաջիկա բյուջեի մասին Թրամփի խոսքերին։ ԱՄՆ նախագահը հայտարարել էր «տրիլիոն դոլարի սահմաններում» ռազմական բյուջեի մասին՝ նշելով, որ դա լինելու է «ամենամեծ բյուջեն, որը երբևէ ունեցել են զինվորականների համար»։