Լը Պենը դատապարտվել է 4 տարվա պայմանական ազատազրկման

Փարիզի դատարանը Եվրոխորհրդարանի ֆրանսիացի պատգամավոր Մարին Լը Պենին դատապարտել է չորս տարվա ազատազրկման, որից երկուսը պայմանական, երկուսը՝ էլեկտրոնային թևնոց կրելու պահանջով, հայտնում են լրատվամիջոցները։

Դատարանը Մարին Լը Պենին մեղավոր է ճանաչել Եվրոխորհրդարանի միջոցները յուրացնելու մեջ, ինչը նրան զրկում է 2027 թվականին Ֆրանսիայի նախագահական ընտրություններին մասնակցելու հնարավորությունից։

Բացի այդ, դատապարտվել են կուսակցության ևս ութ պատգամավորներ, իսկ 12-ը մեղավոր են ճանաչվել տեղեկությունը թաքցնելու մեջ։

Բոլոր մեղադրյալները զրկվել են ընտրություններում իրենց թեկնածությունն առաջադրելու իրավունքից: Որոշումն ուժի մեջ է մտնում անմիջապես։
Journal du Dimanche-ի ուսումնասիրության համաձայն՝ Ֆրանսիայում Լը Պենն առաջատար է մյուս բոլոր պոտենցիալ թեկնածուների շարքում:

Ֆրանսիայի «Հանուն Հանրապետության» կուսակցության առաջնորդը, մեկնաբանելով Լը Պենի դատավճիռը, նշել է, որ խոսքը իշխանության զավթման համակարգի մասին է, որը հեռացնում է այն թեկնածուներին, ովքեր ունակ են հաղթելու։

Կրեմլը Լը Պենի դատավճիռը կապել է Եվրոպայում ժողովրդավարությունը ոտնահարելու հետ։

«Գնալով ավելի շատ եվրոպական մայրաքաղաքներ են գնում ժողովրդավարական նորմերը ոտնահարելու ճանապարհով»,- ասել է ՌԴ նախագահի մամուլի քարտուղար Դմիտրի Պեսկովը։