Գերմանիան 7,27 մլն եվրո է հատկացրել Ուկրաինայի էներգետիկ համակարգի վերականգնմանը

Գերմանիայի էկոնոմիկայի նախարարությունը հայտարարել է Ուկրաինայի էներգետիկ աջակցության հիմնադրամին լրացուցիչ 7,27 մլն եվրո հատկացնելու մասին։
«Գերմանիայի տնտեսական հարցերի և կլիմայի պաշտպանության նախարարությունը Եվրոպական էներգետիկ ընկերակցությանը կտրամադրի լրացուցիչ 7,27 միլիոն եվրո՝ Ուկրաինայի էներգետիկ ենթակառուցվածքի վերականգնման համար»,- ասված է նախարարության կայքում տեղադրված մամուլի հաղորդագրությունում։

Միջոցները կփոխանցվեն ուկրաինական էներգետիկայի աջակցության միջազգային հիմնադրամին, որը ստեղծվել է 2022 թվականին։