«ԱՄՆ-ի հետ հանքանյութերի համաձայնագիրը մեր օգտին չէ»․ Ռադայի պատգամավոր
 ԱՄՆ-ի հետ Ուկրաինայի հանքային ռեսուրսների վերաբերյալ համաձայնագրի թարմացված նախագիծն ընդգրկում է ուկրաինական բոլոր օգտակար հանածոները, ներառյալ նավթն ու գազը, իսկ ներդրումային ֆոնդի կառավարիչների մեծ մասն ԱՄՆ ներկայացուցիչներ են, հայտնել է Գերագույն Ռադայի պատգամավոր Յարոսլավ Ժելեզնյակը Telegram-ի իր ալիքում՝ վկայակոչելով փաստաթուղթը։ Ըստ համաձայնագրի, Կիևը պարտավոր է հանքային ռեսուրսներից ստացած եկամուտները փոխանցել հիմնադրամին, իսկ ամերիկյան ներդրումը կհամարվի 2022 թվականից Ուկրաինային տրամադրվող ռազմական օգնությունը։ Համաձայնագիրը գործում է անժամկետ, և նրանում փոփոխությունները կամ դադարեցումը հնարավոր են միայն Վաշինգթոնի հավանությամբ։ Պատգամավորի խոսքով՝ փաստաթղթում Ուկրաինայի անվտանգության երաշխիքների մասին «նույնիսկ ակնարկ» չկա։ «Միանգամից նշեմ, որ սա վերջնական փաստաթուղթ չէ: Եվ հուսով եմ, որ ուկրաինական կողմը կպահանջի և կհասնի այդ համաձայնագրում էական փոփոխությունների: Բայց իմ տեսած տեքստն ուղղակի սարսափելի էր», հայտնել է Ժելեզնյակը: «Սա մեծ և շատ հստակ գործարք է: Եվ այն մեր օգտին չէ», հավելել է պատգամավորը: Ավելի վաղ Ուկրաինայի նախագահ Վլադիմիր Զելենսկին հաստատել էր, որ ԱՄՆ-ն Ուկրաինային առաջարկել է օգտակար հանածոների վերաբերյալ գործարքի նոր նախագիծը, որը նախատեսում է ներդրումային հիմնադրամի ստեղծում: |
«Եթե ասում ենք՝ զինծառայողը մեզ համար արժեք է, ապա նա արժեք է նաև հանգստի ժամերին»․ Տիգրան Աբրահամյան
2009:42
«Տղամարդկությունը սեփական քաղաքացիներ վրա ա բռնում»․ Լևոն Ջավախյան
3709:30
Արձակուրդում գտնվելիս հրամաններ է ստորագրել. «Հրապարակ»
6909:12
Ծառուկյանն ընտանիքի անդամներին արգելել է կալանավայրում տեսակցել իրեն. «Հրապարակ»
8009:06
Սեդրակ Քոչարյանը 2 ամսով կալանավորվել է (տեսանյութ)
9907:24
«Հետևողականությամբ քանդվում են պետականության հիմքերը»․ Արսեն Ջուլֆալակյան
16403:06