Մեծ Բրիտանիայի պետքարտուղարը կոչ է անում Հայաստանին ու Ադրբեջանին համաձայնագիր ստորագրել հնարավորինս արագ

Մեծ Բրիտանիայի արտաքին, համագործակցության և զարգացման հարցերով պետքարտուղար Դեյվիդ Լամմին ողջունել է Ադրբեջանի և Հայաստանի միջև խաղաղ համաձայնագրի նախագծի տեքստի շուրջ բանակցությունների ավարտը։ Այդ մասին նա հայտարարել է խորհրդարանում իր ելույթ ժամանակ:

«Հայաստանն ու Ադրբեջանը ավարտել են պատմական խաղաղության համաձայնագրի շուրջ բանակցությունները։ Մենք ողջունում ենք այս ձեռքբերումը և կոչ ենք անում երկու կողմերին ստորագրել այն հնարավորինս շուտ»,- ասել է Լամմին։

Նշենք, որ մարտի 13-ին Ադրբեջանի և Հայաստանի արտաքին գործերի նախարարությունները հայտարարություն են տարածել, որում նշվում է խաղաղության համաձայնագրի նախագծի տեքստի շուրջ բանակցությունների ավարտի և Ադրբեջանի և Հայաստանի միջև միջպետական ​​հարաբերությունների հաստատման վերաբերյալ։