Երևան`   +18 °C
Այսօր`   Կիրակի, 16 մարտի, 2025 թ.

Դոնալդ Թրամփի և Վլադիմիր Պուտինի նոր հեռախոսազրույցը կարող է տեղի ունենալ հաջորդ շաբաթ

90
Այսօր, 17:49
Դոնալդ Թրամփի և Վլադիմիր Պուտինի նոր հեռախոսազրույցը կարող է տեղի ունենալ հաջորդ շաբաթ

ԱՄՆ-ի և ՌԴ նախագահներ Դոնալդ Թրամփի և Վլադիմիր Պուտինի նոր հեռախոսազրույցը կարող է տեղի ունենալ հաջորդ շաբաթ։

Այս մասին հայտարարել է ԱՄՆ-ի նախագահի հատուկ բանագնաց Սթիվ Վիտքոֆը։
«Ես ակնկալում եմ, որ այս շաբաթ երկու նախագահների միջև խոսակցություն կլինի։ Մենք նաև շարունակում ենք շփվել և զրուցել ուկրաինացիների հետ»,- ասել է Սթիվ Վիթքոֆը CNN-ի եթերում։

ԱՄՆ-ի նախագահի հատուկ ներկայացուցիչը «դրական» է անվանել իր հանդիպումը ՌԴ նախագահ Վլադիմիր Պուտինի հետ։

«Ես հանդիպեցի նախագահ Պուտինի հետ, հանդիպումը տևեց մոտ երեք-չորս ժամ, այն դրական էր: Դա քննարկում էր, որը հիմնված էր (Ուկրաինայի հակամարտության) լուծումների վրա։ Այդպես ես կբնութագրեի այն»,- ասել է նա: