Ամերիկացի քրիստոնյա առաջնորդների կոալիցիան նամակ է հղել Դոնալդ Թրամփին

Ամերիկացի քրիստոնյա առաջնորդների կոալիցիան նամակ է հղել ԱՄՆ նախագահ Դոնալդ Թրամփին՝ կոչ անելով վճռական քայլեր ձեռնարկել Ադրբեջանի իշխանությունների կողմից պահվող հայ գերիների ազատ արձակման ուղղությամբ. «Նրանց թվում է նաև Արցախի նախկին պետնախարար Ռուբեն Վարդանյանը, ով ավելի քան 20 օր է՝ հացադուլ է անում, որի հետևանքով գտնվում է առողջական ծանր վիճակում»: Նամակում նրանք անդրադառնում են խոշտանգումներին և շարունակվող բռնություններին՝ համոզմունք հայտնելով, որ նախագահ Թրամփը եզակի դիրք ունի այս ճգնաժամը լուծելու համար, և որ անհրաժեշտ է արագ գործողություններ ձեռնարկել: