«Նոր մեխանիզմը թույլ կտա ավելացնել Ուկրաինային ռազմական աջակցությունը»․ Ֆոն դեր Լայեն

Եվրոհանձնաժողովի նախագահ Ուրսուլա ֆոն դեր Լայենը, որպես «Եվրոպան վերազինելու» նոր ծրագրի մաս, առաջարկել է ստեղծել 150 միլիարդ եվրո արժողությամբ վարկային նոր մեխանիզմ, որը միության երկրներին թույլ կտա ոչ միայն ավելացնել իրենց պաշտպանական ծախսերը, այլև զգալիորեն արագացնել և ընդլայնել ռազմական մատակարարումներն Ուկրաինային:
Ֆոն դեր Լայենը երեքշաբթի հատուկ նամակով իր առաջարկներն ուղարկել է ԵՄ երկրներին՝ Ուկրաինայի և Եվրոպայի անվտանգության հարցերով մարտի 6-ին կայանալիք ԵՄ գագաթնաժողովից առաջ։

«Սա կօգնի անդամ-երկրներին միավորել պահանջարկը և կատարել համատեղ գնումներ: Եվ, իհարկե, այս մեխանիզմների միջոցով անդամ-երկրները կարող են զգալիորեն մեծացնել իրենց աջակցությունն Ուկրաինային, ներառյալ Ուկրաինային ռազմական տեխնիկայի անհապաղ մատակարարումը»,- ասել է Ֆոն դեր Լայենը: