Թրյուդոն հայտարարել է Ռուսաստանի դեմ նոր պատժամիջոցների մասին

Կանադայի վարչապետ Ջասթին Թրյուդոն Լոնդոնում եվրոպացի առաջնորդների գագաթնաժողովի ժամանակ հայտարարել է, որ նոր պատժամիջոցներ է սահմանել ռուսաստանցի 10 ֆիզիկական և 21 իրավաբանական անձանց նկատմամբ:

Հրապարակման մեջ ասվում է, որ սահմանափակումները վերաբերում են 9 «կիսառազմական կազմակերպությունների առաջնորդներին, որոնք առաջացել են «Վագներ» ՄՌԿ-ից հետո, նրանց հետ կապված ռուսական ռազմական ղեկավարության մեկ անդամի, Ուկրաինայում և Կրեմլի աֆրիկյան ցանցում գործող 9 ռազմական կազմակերպությունների և 12 փոխկապակցված կազմակերպությունների վրա, որոնք պատասխանատու են այդ ցանցում ռեսուրսների արդյունահանման համար»:

Ընդհանուր առմամբ, ավելի քան 3000 ֆիզիկական և իրավաբանական անձ ենթարկվել է Կանադայի պատժամիջոցներին: