«ԱՄՆ-ն «պետք է Ռուսաստանին ընտրեր` որպես իր դաշնակից և զենք մատակարարեր նրան». Դոնալդ Թրամփ կրտսեր

ԱՄՆ-ն «պետք է Ռուսաստանին ընտրեր՝ որպես իր դաշնակից և զենք մատակարարեր նրան, ոչ թե Ուկրաինային»։ Այս մասին փոդքաստում հայտնել է ԱՄՆ նախագահի որդին՝ Դոնալդ Թրամփ կրտսերը։

«Անկեղծ ասած, ես չեմ կարող պատկերացնել, ո՞ր խելքը գլխին մարդը կարող է Ուկրաինան ընտրել՝ որպես դաշնակից, երբ կշեռքի մյուս նժարին Ռուսաստանն էր։ ԱՄՆ-ն պետք է Ռուսաստան զենք ուղարկեր»,- ասել է ԱՄՆ-ի նախագահի որդին Triggered Podcast-ում, որը հասանելի է Spotify-ում:

Ավելի վաղ Թրամփ կրտսերն Ուկրաինայի առաջնորդ Վլադիմիր Զելենսկիին առաջարկել էր «պարզապես գնալ և հաղթել» Ռուսաստանի հետ պատերազմում՝ առանց ԱՄՆ-ի օգնության։