Ուկրաինան կստանա հակաօդային պաշտպանության հզոր համակարգ

Մինչ ԱՄՆ-ն կրճատում է Ուկրաինային աջակցությունը, եվրոպական դաշնակիցները մեծացնում են ռազմական օգնությունը Կիևին:

Forbes-ը հայտնում է, որ Շվեդիան, Լիտվան և չեզոք Իռլանդիան Կիևին կտրամադրեն ժամանակակից հակաօդային պաշտպանության համակարգ՝ միլիոնավոր դոլարների արժողությամբ հրանոթներով, հրթիռային կայաններով և ռադարներով։

Շվեդիան կնվիրի Tridon զենիթային հրանոթներ և RBS 70 կայանքներ, Լիտվան՝ RBS 70, իսկ Իռլանդիան՝ Giraffe ռադարներ։ Այս համակարգերը հնարավորություն կտան ինքնաթիռներ, ուղղաթիռներ և անօդաչու սարքեր խփել մինչև 8 կմ հեռավորության վրա։

Ուկրաինան նախկինում ստացել է RBS 70 և Giraffe, բայց Tridon-ը նոր խթան կլինի: Այս 40 մմ արագ կրակող հրանոթը կարող է խոցել թիրախները մինչև 6,5 կմ հեռավորության վրա: