«Ռուս-ամերիկյան հաջորդ շփումները տեղի կունենան ԱԳ նախարարությունների մակարդակով»․ Պեսկով

Ռուս-ամերիկյան հաջորդ շփումները տեղի կունենան փորձագիտական ​​մակարդակով՝ արտաքին գործերի նախարարությունների միջոցով, ասել է Դմիտրի Պեսկովը՝ պատասխանելով փետրվարի 25-ին Էր Ռիադում նախատեսված հանդիպման առնչությամբ արևմտյան լրատվամիջոցների ենթադրությունների մասին հարցին։

Մեկնաբանելով Ուկրաինայի վերաբերյալ ՄԱԿ-ի բանաձևերը, Պեսկովը նշել է՝ «Մենք տեսնում ենք, որ Միացյալ Նահանգները շատ ավելի հավասարակշռված դիրք ունի, ինչն իսկապես օգնում է ուկրաինական հակամարտության կարգավորմանն ուղղված ջանքերին: Մենք, իհարկե, ողջունում ենք դա»։

Ինչ վերաբերում է ԱՄՆ-ի հանդեպ ՌԴ-ի ունեցած վստահությանը, Կրեմլի խոսնակը հայտարարել է, որ «Ռուսաստանի Դաշնությունը վստահում է ինքն իրեն, սակայն ամերիկացիների նկատմամբ վստահության մասին խոսելու համար լուրջ ճանապարհ պետք է անցնել»։