Ադրբեջանի ԱԳՆ-ի բանավոր հրահանգից հետո BBC-ի ադրբեջանական ծառայությունը դադարեցնում է գործունեությունը

BBC-ն փակել է իր գրասենյակն Ադրբեջանում։

Հինգշաբթի օրը BBC-ի հաղորդագրության մեջ ասվում է, որ կորպորացիան «պարտադրված որոշում» է կայացրել փակել իր գրասենյակը երկրում՝ Ադրբեջանի ԱԳՆ-ի բանավոր հրահանգից հետո:

BBC-ն ընդգծել է, որ կորպորացիայի լրագրողները Բաքվում դադարեցրել են իրենց գործունեությունը, քանի դեռ չի պարզաբանվել իրավիճակը, սակայն մտադիր են շարունակել ադրբեջաներենով հաղորդումները։

BBC News Ադրբեջանը երկրում գործում էր 1994 թվականից՝ նախ ռադիոյով, ապա թվային հարթակներում։