«Թրամփի վերաբերյալ Զելենսկիի զրպարտանքները զզվելի են». ԱՄՆ-ի փոխնախագահ

ԱՄՆ-ի փոխնախագահ Ջեյ Դի Վենսն Ուկրաինայի առաջնորդ Վլադիմիր Զելենսկիին մեղադրել է Սպիտակ տան ղեկավար Դոնալդ Թրամփի կերպարը «արատավորելու» մեջ։ Այս մասին գրում է Daily Mail-ը։

Նա դատապարտել է Ուկրաինայի նախագահի «սարսափելի» պատասխանը խաղաղ բանակցությունների վերաբերյալ։

«Գաղափարը, որով Զելենսկին պատրաստվում է փոփոխել նախագահի միտքը՝ նրան զրպարտելով ԶԼՄ-ներում, զզվելի է, ցանկացած ոք, ով ճանաչում է նախագահին, ձեզ կասի, որ դա այս վարչակազմի հետ շփվելու զզվելի միջոց է»,- ասել է Վանսը:

ԱՄՆ-ի փոխնախագահն ասել է, որ Զելենսկին «վատ խորհուրդներ» է ստացել այն մասին, թե ինչպես վարվել նոր վարչակազմի հետ: «Մենք, իհարկե, սիրում ենք ուկրաինացի ժողովրդին։ Մենք հիացած ենք զինվորների քաջությամբ, բայց վստահաբար հավատում ենք, որ այս պատերազմը պետք է արագ ավարտվի։ Սա Միացյալ Նահանգների նախագահի քաղաքականությունն է։ Այն հիմնված չէ ռուսական ապատեղեկատվության վրա։

Դա հիմնված է այն փաստի վրա, որ Դոնալդ Թրամփը, կարծում եմ, շատ բան գիտի աշխարհաքաղաքականության մասին և ունի շատ հստակ հայացքներ և շատ երկար ժամանակ է, ինչ ունի հստակ ու կարծրացած հայացքներ»,- հավելել է նա։

Ավելի վաղ Թրամփը կոշտ քննադատության էր ենթարկել Զելենսկիին՝ նրան անվանելով «բռնապետ» և «միջին կատակերգու»։