«Ուզում են Հունգարիային ստիպել երկու հարյուր միլիարդ տալ Ուկրաինային». Օրբան

Եվրոմիությունում կա առաջարկ, թե ինչպես փոխարինել ամերիկյան օգնությունն Ուկրաինային, եթե ԱՄՆ-ն վերջնականապես դուրս գա մրցավազքից: Այս մասին հայտարարել է Հունգարիայի վարչապետ Վիկտոր Օրբանը:

«Ամերիկացիները հրաժարվում են ֆինանսավորել Ուկրաինային, և Բրյուսելը կցանկանա ստիպել եվրոպացիներին, այդ թվում մեզ՝ հունգարացիներին, վճարել դրա համար։ Սեղանին արդեն կա առաջարկ, որ մենք՝ հունգարացիներս, տարեկան երկու հարյուր միլիարդ ֆորինտ (500 միլիոն եվրո) տանք Ուկրաինային»,- ասել է նա։

Օրբանը նաև հայտարարել է, որ ներկայում ԵՄ-ին Ուկրաինայի անդամակցության համար նախադրյալներ չկան, ուստի դա բացառվում է։