«Մոտ ապագայում ուկրաինացիները չպետք է որևէ լավ նորության սպասեն». Ուկրաինայի նախկին արտգործնախարար

Մոտ ապագայում ուկրաինացիները չպետք է որևէ լավ նորության սպասեն, գրել է Ուկրաինայի նախկին արտգործնախարար Դմիտրի Կուլեբան Instagram-ում Ռուսաստանի և ԱՄՆ-ի միջև Էր Ռիադում կայացած բանակցությունների մեկնարկից առաջ։
«Մոտակա շաբաթների նորությունների մեջ լույս մի փնտրեք»,- գրել է նա։
Երեքշաբթի օրը Էր Ռիադում տեղի ունեցան Ռուսաստանի և ԱՄՆ-ի պատվիրակությունների բանակցությունները, որոնք տևեցին 4,5 ժամ։ Մոսկվան և Վաշինգթոնը քննարկել են երկկողմ հարաբերությունները, Ուկրաինայում իրավիճակի կարգավորումը և երկու երկրների ղեկավարների հանդիպման նախապատրաստումը։