Ռուբիոն չի բացառում Լավրովի դեմ ԱՄՆ-ի պատժամիջոցների չեղարկումը

ԱՄՆ-ի պետքարտուղար Մարկո Ռուբիոն չի բացառել Ռուսաստանի արտաքին գործերի նախարար Սերգեյ Լավրովի դեմ ԱՄՆ-ի միակողմանի պատժամիջոցների չեղարկման հնարավորությունը։

Ինչպես հաղորդում ՏԱՍՍ-ը, Ռուբիոն այս մասին ասել է Սաուդյան Արաբիայի մայրաքաղաքում ռուս-ամերիկյան բանակցություններից հետո։

«Մենք պարզապես դեռ խոսակցության այդ մակարդակի վրա չենք: Բայց, իհարկե, կան մի շարք թեմաներ, որոնք պետք է քննարկվեն այդ ճանապարհին», - ասել է ամերիկյան արտաքին քաղաքականության վարչության ղեկավարը Ռիադում կայացած մամուլի ասուլիսում, երբ նրան խնդրել են պարզաբանել, թե արդյոք Վաշինգթոնի հետագա քայլերը կներառեն իր ռուս գործընկերոջ դեմ պատժամիջոցների չեղարկումը:

«Մենք դեռ չենք էլ սկսել այս գործընթացը, այսօր միայն պայմանավորվածություն է եղել սկսել գործընթացը, որպեսզի խոսենք դրա մասին»,- նշել է նա։