Օգտատերերը դժգոհում են, որ Telegram-ի նոր տարբերակն «սպանում է» iPhone-ի մարտկոցը

iPhone-ի սեփականատերերը հայտնում են գերտաքացման և մարտկոցի արագ լիցքաթափման հետ կապված խնդիրների մասին Telegram-ի 11.7.1 թարմացումից հետո:

Վերջին մի քանի օրվա ընթացքում App Store-ում հայտնվել է ավելի քան 100 բացասական կարծիք։ Որոշ օգտատերեր նշում են, որ մեսենջերը կարող է սպառել լիցքի մինչև 30%-ը ընդամենը կես ժամ աշխատելու ընթացքում։ Բողոքներ կան նաև սարքի գերտաքացումից, հատկապես տեսանյութեր դիտելիս և ձայնագրություններ լսելիս։ Խնդիրը, հավանաբար, կապված է ներկառուցված վիդեո նվագարկչի փոփոխությունների հետ, ինչը հանգեցնում է նրան, որ մեդիա ֆայլերը ներբեռնվում են հետին պլանում և ավելի շատ ռեսուրսներ են սպառում:

Դուք կարող եք ժամանակավորապես նվազեցնել ձեր սմարթֆոնի ծանրաբեռնվածությունը՝ անջատելով մեդիա ֆայլերի ավտոմատ ներբեռնումը Telegram-ի կարգավորումներում («Տվյալներ և պահեստավորում» բաժինը, այնուհետև «Բջջային ցանցի միջոցով/Wi-Fi-ի միջոցով»):

Սպասվում է, որ մշակողները կշտկեն սխալը հաջորդ թարմացման ժամանակ: Նախկինում նմանատիպ խնդիրը շտկվել էր հինգ օրվա ընթացքում։