Երմակը հերքել է` խաղաղ բանակցությունների շուրջ հանդիպումներ նախատեսված չեն

Ուկրաինայի նախագահի աշխատակազմի ղեկավար Անդրեյ Երմակը կեղծ է անվանել խաղաղ կարգավորման վերաբերյալ ռուսների հետ եղած կամ առաջիկայում ծրագրված հանդիպումների մասին տեղեկությունները։

Երմակն ասել է, որ ոչ մի հանդիպում չի եղել և չի նախատեսվում, քանի դեռ պլանը չի համաձայնեցվել Ուկրաինայի, ԱՄՆ-ի և ԵՄ-ի կողմից։

Նա նաև ասել է, որ հազվագյուտ հողային մետաղների մասին ԱՄՆ-ի հետ համաձայնագիրը դեռ ժամանակ և գաղափարներ է պահանջում վերջնական տեսքի բերելու համար։

Հիշեցնենք, որ ավելի վաղ մի շարք արևմտյան լրատվամիջոցներ գրել էին, որ հաջորդ շաբաթ ռուսներն ու ամերիկացիները ծրագրում են հանդիպում անցկացնել Սաուդյան Արաբիայում, որին հրավիրված է նաև Ուկրաինան։ Բայց Կիևում ասում են, որ հրավեր չեն ստացել և մտադիր չեն մասնակցելու այս միջոցառմանը։