«Խելագարների մի խումբ ունենք, որոնք ժամանակին որոշել են, որ պետք է ազատվել Պուտինից». Թաքեր Քարլսոն

Ամերիկացի լրագրող Թաքեր Քարլսոնը հայտարարել է, որ ինքը Ռուսաստանի նախագահ Վլադիմիր Պուտինի վրա զայրանալու պատճառ չունի։

Այս մասին նա ասել է բրիտանացի լրագրող Փիրս Մորգանին տված հարցազրույցում։

Քարլսոնն ասել է, որ չի հասկանում, թե ինչու են Պուտինին համարում ԱՄՆ-ում թշնամի. «Ինչո՞ւ է Պուտինը իմ թշնամին: Նա ինձ ոչինչ չի արել։ Ես Պուտինի վրա զայրանալու պատճառ չունեմ. Մենք խելագարների մի խումբ ունենք, որոնք ժամանակին որոշել են, որ պետք է ազատվել Պուտինից ինչ-ինչ պատճառներով, որոնք ոչ ոք նույնիսկ չի բացատրել»:

Նա նաև ասել է, որ «Ուկրաինան խելագարության աղբյուր է: Նրանք արեցին հնարավոր ամեն ինչ Արևմուտքում ապակայունացում սերմանելու համար։ Չարիքի ու հանցագործության չափը, որ գալիս է այս երկրից, շատ մեծ է»։

Վերջերս Քարլսոնը պնդում էր, որ ԱՄՆ-ի նախագահ Ջո Բայդենի վարչակազմն, իբր, փորձել է սպանել Պուտինին՝ առանց որևէ ապացույց ներկայացնելու։ Դրանից հետո ՌԴ Պետդուման կոչ է արել ԱՄՆ Քոնգրեսին՝ հետաքննել Թաքեր Քարլսոնի այս հայտարարությունը։