«Հայաստանի անդամակցությունը ԵՄ-ին կփակի ԵԱՏՄ շուկան». Օվերչուկ

Հայաստանի անդամակցությունը Եվրոմիությանը կհանգեցնի Եվրասիական տնտեսական միությունից դուրս գալուն և նրա համար ԵԱՏՄ շուկայի փակվելուն։ Այս մասին լրագրողներին ասել է ՌԴ փոխվարչապետ Ալեքսեյ Օվերչուկը։

«Լուծումն ակնհայտ է. ԵՄ-ի հետ շուկաների բացումը կնշանակի շուկաների փակում ԵԱՏՄ-ի հետ: Հակառակ դեպքում, ԵԱՏՄ-ում մեր արտադրողները կտուժեն»,- նշել է ՌԴ փոխվարչապետը։ Օվերչուկը մանրամասնել է, որ Հայաստանի համար «ԵՄ-ի հետ ներմուծման մաքսային դրույքաչափերի զրոյացումն ինքնաբերաբար կնշանակի վերադարձ ԵԱՏՄ-ի մաքսային սակագներին»։

«Մեզ համար, իհարկե, սա ազդանշան է, որ Եվրոմիությանն անդամակցելու սկիզբը ԵԱՏՄ-ից դուրս գալու սկիզբն է»,- նշել է Օվերչուկը։