«ԵԱՏՄ-ն հանդուրժելո՞ւ է, որ իր անդամն ուզում է գնալ ուրիշ տեղ». Արմեն Գևորգյան

«Երբ ուզում ենք տնտեսական ինչ-որ պրեֆերենցիաներ ստանալ՝ ԵՄ շուկան ավելի հասանելի դարձնելու մեր հայկական արտադրանքների համար, ԵՄ համապատասխան երկրների ներկայացուցիչները մատնանշում են, որ այդ պրեֆերենցիաները ստանալն անհամատեղելի է մեր՝ ԵԱՏՄ-ին անդամակցության հետ»,- ԱԺ եվրոպական ինտեգրման հարցերի մշտական հանձնաժողովի արտահերթ նիստի ժամանակ ասաց ԵԽԽՎ-ում ՀՀ ԱԺ պատվիրակության անդամ Արմեն Գևորգյանը և հարց ուղղեց նախաձեռնող խմբի ներկայացուցիչ Արտակ Զեյնալյանին. «Այս միջավայրում, երբ անհամատեղելիության ռեժիմներ են առաջանալու, ինչքանո՞վ են տնտեսական մեր հնարավորությունները զարգանալու. արդյո՞ք ԵԱՏՄ-ն՝ որպես կառույց, հանդուրժելու է, որ իր մի անդամն ուզում է գնալ ուրիշ տեղ»:

Զեյնալյանը պատասխանեց. «ԵԱՏՄ-ն զուտ տնտեսական շահով պայմանավորված կազմակերպություն է: ԵԱՏՄ-ի ստանդարտները կլանված եմ ԵՄ-ի ստանդարտների հետ: Եթե մեր ապրանքները համապատասխանեցնում ենք ԵՄ ապրանքների ստանդարտներին, ապա ավտոմատ համապատասխանում են ԵԱՏՄ ստանդարտներին: Այստեղ հակասություն չի առաջանում: Եթե խոսքը վերաբերում է չնորմավորված խանդին, դա լրիվ ուրիշ բան է»:

Հիշեցնենք՝ ՀՀ ԱԺ եվրոպական ինտեգրման հարցերի մշտական հանձնաժողովում ընթանում են «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» հարցի շուրջ քննարկումները․ նախագիծը քաղաքացիական նախաձեռնության արդյունք է։