Թրամփին դատի են տվել կառավարության աշխատակիցներին աշխատանքից ազատելու հրամանի պատճառով

Ինչպես հայտնում է Bloomberg-ը, ԱՄՆ-ի նախագահ Դոնալդ Թրամփին արդեն դատի են տվել իր գործադիր հրամանի պատճառով, որը հեշտացնում է դաշնային բարձրաստիճան պաշտոնյաներին աշխատանքից հեռացնելու գործընթացը։
Ազգային գանձապետարանի աշխատակիցների միությունը բացահայտել է օրենքի խախտումներ, և նրա փաստաբանները հայց են ներկայացրել Վաշինգթոնի դաշնային դատարան: Արհմիությունը միավորում է դաշնային գործակալությունների և գերատեսչությունների 37 աշխատակցի։

Հայցում ասվում է, որ հրամանն ստեղծում է աշխատողների մի ամբողջ կատեգորիա, որոնք կարող են ազատվել աշխատանքից՝ առանց բողոքարկման իրավունքի:

Հիշեցնենք, որ իր առաջին ժամկետի ավարտին Թրամփը ստորագրեց գործադիր հրաման, որը ստեղծեց դաշնային աշխատողների նոր կատեգորիա՝ Schedule F, որը կորցնում էր իր աշխատանքային երաշխիքների մի մասը: Ավելի ուշ Ջո Բայդենը չեղարկեց հրամանը։ Այժմ Թրամփն իր գործադիր հրամանով վերականգնել է իր իսկ հրամանը։