Թրամփը չի բացառել, որ ԱՄՆ-ն կարող է դադարեցնել նավթի գնումը Վենեսուելայից

ԱՄՆ-ն, ամենայն հավանականությամբ, կդադարեցնի նավթի ներկրումը Վենեսուելայից, լրագրողներին ասել է երկրի նախագահ Դոնալդ Թրամփը։

«Մենք, հավանաբար, կդադարեցնենք նավթ գնել Վենեսուելայից. մեզ նրանց նավթը պետք չէ»,- ասել է նա՝ հավելելով, որ ԱՄՆ-ն բավականաչափ սեփական նավթ ունի։

Մինչև 2019 թվականը, երբ պատժամիջոցներ սահմանեց լատինաամերիկյան երկրի նավթային հատվածի նկատմամբ, ԱՄՆ-ն օրական ներմուծում էր մոտ 0,5-1 մլն բարել նավթ։ 2024 թվականի սեպտեմբերին ներմուծումը վերսկսվել է և ներկայում կազմում է միջինը 260 հազար բարել/օր։

ՕՊԵԿ-ի տվյալներով՝ Վենեսուելան 2024 թվականի դեկտեմբերին արդյունահանել է օրական 886 հազար բարել նավթ։