«24 ժամում կապիտալիզացիան հասնում է 7 միլիարդ դոլարի»․ Սամվել Գևորգյան

Բիզնես-փորձագետ Սամվել Գևորգյանի ֆեյսբուքյան գրառումը․ «Աշխարհում տնտեսության և տնտեսական հարաբերությունների փոփոխությունն արդեն ոչ թե տարիների կամ շաբաթների հարց է, այլ օրերի և ժամերի: Արագությունն արդեն չի ենթարկվում ոչ մի տրամաբանության:
Երեկ Թրամփը X հարթակում հայտարարում է TRUMP կրիպտոարժույթ թողարկելու մասին: 24 ժամում կապիտալիզացիան հասնում է 7 միլիարդ դոլարի: 24 ժամում այնքան, որքան չէր աշխատել իր ամբողջ կյանքի ընթացքում: Գինն էլ գնալով աճում է: 1 միլիարդ միավոր թողարկված քոինի 80%-ը արդեն վաճառվել է: Մեկ օրում: Նախագահի պաշտոնին անցելուց 48 ժամ առաջ»։