«Ինքնահարստացման ախորժակը բավարարելու համար ամեն ինչի գները բարձրացնում են»․ Պեդրո Զարոկյան

Երևանի ավագանու «Ազգային առաջընթաց» խմբակցության անդամ Պեդրո Զարոկյանի ֆեյսբուքյան գրառումը․ «Մեր ընդդիմադիր գործընկերներն արտահերթ նիստ են կազմակերպել տրանսպորտի թանկացումները չեղարկելու համար: Միակ մտավախությունս այն է, որ պետք է առավոտը շուտ արթնանամ, քունս փչացնեմ ու գնամ այնտեղ, որպեսզի իմանամ, որ ՔՊ-ն ու «Հանրապետություն» կուսակցությունները չեն ներկայացել, որի պատճառով նիստը կչեղարկվի և նորից տուն կվերադառնամ։
Այսօր մենք ունենք քաղաքապետարան, որը ղեկավարվում է երկու կուսակցությունների կողմից, որոնք այնտեղ են ինքնահարստացման համակարգային կոռուպցիայի միջոցով, հիմնականում շինարարության թույլտվությունների, կեղծ մրցույթների կամ ուղղակի գնումների միջոցով՝ չափազանց ահռելի գներով, և ծանոթ բարեկամի տեղավորելով այնպիսի աշխատատեղերում, որոնք պահանջում են շատ քիչ աշխատանք կամ վճարում են բարձր աշխատավարձ: Իրենց ինքնահարստացման ախորժակը լրացնելու համար ամեն ինչի գները պետք է բարձրանան։
Մի իմաստուն մարդ մի անգամ ասաց, որ քաղցկեղի դեմ պայքարելու համար պետք է այն ամբողջությամբ վերացնել իր արմատներից»: