«Պայքարից մեկ միլիմետր անգամ չենք շեղվելու»․ Բագրատ Սրբազան

«Սրբազան պայքար» շարժման առաջնորդ Բագրատ Սրբազանը «Եռաբլուր» զինվորական պանթեոնում է․ «2024 թվականը մեզ համար եղել է միայն ու միայն նպատակամիտված մեր կյանքը դարձնելու հաղթանակի կյանք և շնորհներով զարդարված մեր հերոսների հետ նույնանանալու, նրանց հաղթանակն ու երազանքն իրենց վերադարձնելու պայքարի ժամանակահատված»,- իր ուղերձում ասել է նա։ «Մենք նաև լռության կոչում ունենք, մենք կոչում ունենք այդ հաղթանակը կերտելուն միտված 2025-ը դարձնել բոլորիս երազների ու ձգտումների իրականացումը, կոչում ունենք 2025-ի յուրաքանչյուր օր վերադառնալու այս սրբավայր և պատասխանատու կերպով մեր հերոսների հետ միասին տոնախմբելու երկրի ազատագրումը, վերացնելու չարիքը մեր կյանքից»․- հավելել է Սրբազանը։ «Այո՛, հռչակել ենք հաշտության, ճշմարտության ու արդարության պայքար ու այդ պայքարից մեկ միլիմետր անգամ չենք շեղվել ու չենք շեղվելու»,- ընդգծել է նա՝ հավելելով, որ վերջնարդյունքն ու հաղթանակը լինելու է հայինն ու Հայաստանինը։