Ինդոնեզիան, Մալայզիան և Թաիլանդը դարձան BRICS-ի գործընկեր երկրներ

Ինդոնեզիան, Մալայզիան և Թաիլանդը դարձել են BRICS-ի գործընկեր երկրներ, հայտարարել է ՌԴ փոխարտգործնախարար Ալեքսանդր Պանկինն Ասիա-խաղաղօվկիանոսյան տնտեսական համագործակցության (ԱԽՏՀ) երկրների արտաքին գործերի և առևտրի նախարարների համատեղ հանդիպման ժամանակ։
Գործընկեր երկրի կարգավիճակը նախատեսում է շարունակական մասնակցություն BRICS-ի ԱԳ նախարարների գագաթնաժողովների և հանդիպումների հատուկ նիստերին: Գործընկերները կարող են հրավիրվել նախարարների մակարդակով այլ միջոցառումների, մասնավորապես առևտրի թեմաներով, ազգային անվտանգության ներկայացուցիչների հանդիպումներին և խորհրդարանականների ֆորումին: Գործընկերներն իրավունք ունեն միանալու ասոցիացիայի վերջնական փաստաթղթերին:

Նա նշել է, որ ասիա-խաղաղօվկիանոսյան երկրների տնտեսությունների մասնաբաժինը Ռուսաստանի արտաքին առևտրում արդեն հասել է 70%-ի։ Բացի այդ, վճարումների գրեթե 90%-ը կատարվում է ազգային արժույթներով։